САМУРДИН ЛЕПЕЯР
ВОЛНЫ САМУРА
ЯРАГЪ МЕГЬАМЕД
1. Ви мецелай рахай дуьа
Рик1 къарсурдай зенгер хьана.
Азадвилин ц1ийи дуьнья
К1анз, дагълара женгер хьана.
Ви регьбервал герек я чаз,
Мегьамед Ярагъ.
Лезгистандин дестек я чаз
Мегьамед Ярагъ.
2. Ярагъдилай къачур камар
Сугъратлда куьтягь хьана.
Вун дагъвийрин руьгьдин цавар,
Азадвилин панагь хьана.
Лезгистандин рик1евай нур –
Мегьамед Ярагъ.
Дагъустандин гъилевай тур –
Мегьамед Ярагъ.
МАГОМЕД ЯРАГСКИЙ
Твои молитвы звучали
Колоколов словно звон.
В горах народу тесно стало –
За свободу сражался он.
Услышать бы нам твой голос,
Магомед Яраг.
Мы твоей земли поросль,
Магомед Яраг.
Свой священный путь из Ярага
Ты в Согратле завершил.
Но народ наш за столетья
Не лишился духовных сил.
Лезгистана ярчайший луч –
Магомед Яраг.
Дагестана крепчайший меч –
Магомед Яраг.
ГЬАЖИ ДАВУД
Т1варар ава чахъ
Куьгьне тежедай,
Девирар фена
Рехне тежедай.
Гьажи Давуд –
Халкьдин умуд,
Чаз бахтавар
Уьмуьр акъуд.
Чун я гележег
Хуьре, шегьерда,
Къелемрикай багъ
Кутур тегьерда.
Гьажи Давуд,
Чун чав агуд,
Лезгистандин
Т1вар-ван акъуд.
ГАДЖИ ДАВУД
Имена у нас есть,
Что не будут стареть,
По истечению лет,
Невозможно стереть.
Гаджи Давуд –
Надежда народа,
Защити, умножай
Нам счастье, как прежде.
Будущее мы есть
Города, села,
Твою славу и честь
Не уроним никогда.
Гаджи Давуд –
Единством нашим
Край наш горный
Прославь и сделай краше.
КВАР, КВАР…
Квар, квар, кварцихъди,
Ирид кал варцихъ чи.
Гетин дагъ кьван ч1ем жеда,
Кьулан вац1 кьван нек жеда.
Квар, квар, кварцихъди,
Зи баладин т1варц1ихъди
Артух жеда девлетар,
Ширин-ширин няметар.
Квар, квар, кварцихъди,
Мугьман гала варцихъ чи.
Ша, чазни шад жедайвал,
Дуьдгъверни фу недайвал.
Квар, квар, кварцихъди,
Ирид кал варцихъ чи…
ПЕСНЯ ЗА КУВШИНОМ ДЛЯ СБИВАНИЯ МАСЛА
Ляг, стой, кувшин мой,
За воротами - семь коров.
Масло будет – с Гетин-горы,
Молока – с Самур-реки.
Ляг, стой, кувшин мой,
В честь моего малыша.
Пусть богатства прибавится,
Пусть дела исправятся.
Ляг, стой, кувшин мой,
Гость в дверь стучится к нам.
Заходи, и будем рады,
С маслом хлеба гостю дам.
Ляг, стой, кувшин мой,
Во дворе нашем семь коров…
КЪУШАРИН НАГЪМАЯР
Са къал-макъал ала тамал,
Гъвеч1и-ч1ехи амачиз.
Рахазвайбур, къугъвазвайбур –
Гьич кич1евал авачиз.
Гаф гудайди, къачудайди
Авач ина нубатдал.
Кьемкьерди уьфт язава туьнт
Къавах тарай са къатда.
Ч1имч1ирдин ч1ив, ачкардин къив
Агакьзава патавай.
Кесиб к1ек1е, гьатна хъиле,
Таран к1ук1ни кук1вава.
Туп-туп, туп-туп, акъудиз руг
Гатазва тар са къатда…
ПТИЧИЙ ГАМ
И тут, и там – птичий гам,
Нет начала и конца.
И стар, и млад в лесу галдят
Не понять ни словца.
Не просят слова, не ждут ответа,
Нет управы никакой.
Дрозды свистят, им не понять
Мелодии другой.
Синицы щебет и крик фазана –
Галдят все птицы под горой.
Только дятел занят делом –
Ищет пищу под корой.
Ц1ИЙИ ВАРЗ
Ц1ийи варз, ц1ийи варз,
Дагъдин кук1вал хайи варз,
К1еле нек хьиз, цавукай
Лацу нурар хъвайи варз.
Ц1ийи варз, ц1ийи варз,
Чапрас тия хци варз,
Чи бубадин чатукай
Цавун аршдиз фейи варз.
Ц1ийи варз, ц1ийи варз,
Ц1иц1 хьиз я зун циц1и, варз,
Мич1ивилин пацукай
Даим азад хьайи варз!
МЕСЯЦ
Месяц новый, месяц новый,
На вершине родился он.
Небесным светом, молочным цветом,
Как ягненок, напился он.
Месяц новый, месяц новый,
Как клинок, блестит дугой.
В кузнице он дедом нашим
Закален был вот такой.
Новый месяц, новый месяц,
Друг другу рады очень мы.
Что из плена темных суток
К нам на небо вернулся ты.
МЕХЪЕРАР
Чи магьледа гьар юкъуз
Жезва гурлу мехъерар.
Яб це, ингье мад цавуз
Физва экуьн сегьерар.
Накьан межлис давамар
Хъийизва мад аялри.
Кьве чкадал далдамар
Гатазва мад кьавалри.
Абдул – хъсан ч1агъанчи,
Далдамчи я Анварбег,
Муслима лап хъсандиз
Язва вичин кларнет.
Кьуьл ийизва тади кваз
Маидина сад лагьай,
Кьуьлуьникни Нади ква,
Ша лагьайла, шад жедай.
СВАДЬБЫ
Вот опять к нам во двор
Соберется детвора.
Значит, танцы начинать
Наступает им пора.
Все играют и поют,
Бьют по барабану.
На гармони и зурне
Играть еще станут.
Анвар, Муслим, Абдула…
Танцоры, что надо.
Приглашают девочек,
Кто постоянно рядом.
К1ЕК – КОМАНДИР
Хъуьтуьл месел ксанвай
Баде тадиз къарагъна,
Кали, няниз ацанвай,
Му-у авуна гьарайна,
Киц1и вичин кунашдай
Ц1угъ авуна кагьулдиз,
Каци вичин къумашдал
Пац алтадна ц1акул хьиз,
Жагъундални к1ек ала,
Гуз абуруз команда –
К1екрез, хуьре экв хьана,
Ксудайбур так1анда.
ПЕТУХ – КОМАНДИР
Встала бабушка с постели,
Начинает день с хлопот.
Пес залаял еле-еле,
Умываться начал кот.
Вслед корова замычала,
Месяц на небе потух.
Всех поднял на зорьке алой
Пробудившийся петух.
Он крылом громко лупит,
И заливисто кричит.
Командир-петух не любит,
Если кто-то долго спит.
ЗИ КЪИЗИЛЦУЬКВЕР
Къизилцуьквер, къизилцуьквер,
Зи рик1 алай цуьквер я куьн.
Экуьн кьиляй, къизилцуьквер,
Виридалай иер я куьн.
За гьар юкъуз гуда квез яд,
Хъухъ гьамга хьиз зи гъилелай.
Цуьквер ч1ехи хьурай фад-фад,
Яд гун фидач зи рик1елай.
Зи рик1 алай къизилцуьквер
Гьазур я зун виридаз гуз.
Чи гьаятни жеда иер,
Цуьквер гзаф хьайи ч1авуз.
МОИ РОЗЫ
Мои розы, мои розы,
Цветы мои любимые.
По утрам особенно
Вы очень красивые.
В день один раз ключевой
Водой я вас поливаю.
Рукой своей по шипам
Проводить не забываю.
Идите к нам, смотрите все,
Розы у меня какие.
Пусть у каждого во дворе
Растут цветы такие.
БАДЕ СЕКИН КСУРАЙ
Зунни баде къатканва,
Чин чинални алк1анва.
«Ширин ахвар атурай!» -
Сада садаз лагьанва.
Яб гана зи гафариз,
Баде фенва ахвариз.
Зи хиялар чк1анва
Гьар сад санихъ – яргъариз.
Абур чпиз къугъурай,
Яргъарай зав рахурай.
Луп1-луп1дач за вилерив –
Баде секин ксурай.
ЧИ ЛИФЕР
Зи стхадиз лифер ава.
Абурухъ ширин сесер ава:
Къу-къу-къу, къу-къу-къу –
За яб гузва гьар юкъуз.
За твар гузва лифериз чи.
За яб гузва сесериз и:
Къу-къу-къу, къу-къу-къу…
За яб гузва гьар юкъуз.
Чи лифери цавариз физ
Къугъунарда луваривди:
Лип1-лип1-лип1, лип1-лип1-лип1.
Чи лифериз куьн килиг.
Луварихъни агакьдач вил:
Лип1-лип1-лип1, лип1-лип1-лип1…
Ша кьулериз куьн килиг.
Чи стхадиз лифер ава:
Къу-къу-къу, къу-къу-къу…
Рахаз жеда гьар юкъуз.
Чавни ахвар вугудай туш –
Къу-къу-къу, къу-къу-къу…
Къукъуяр ква чи къавук.
ЗА ТВАР ГУЗВА НУЬК1ВЕРИЗ
Ч1ив-ч1ирив, ч1ив-ч1ирив,-
Хуьруьн нуьк1вер рахазва.
Къецел гару ч1угвазва къув,
Экуьнлай жив къугъвазва.
Ч1ив-ч1ирив, ч1ив-ч1ирив,
Гишин яни нуьк1вер квез?
Куквар амач, тутар амач –
Къалин яни живер квез?
Ч1ив-ч1ирив, ч1ив-ч1ирив –
Гишинзавач нуьк1вериз.
Къай йигин я, жив къалин я –
За твар гузва эвериз.