Все произведения

Абдуселим Исмаилов

Сто признаний в любви

Стихи о любви

На лезгинскомоколо 50 страниц
Что входит · 53 раздела
  1. СТО ПРИЗНАНИЙ В ЛЮБВИ
  2. ВУНА ЖУВАН ВИЛЕРИЗ ЛАГЬ
  3. ГУЬРУЬШ
  4. КЬВЕ ГЪЕЗЕЛ
  5. СОНЕТАР
  6. ЖЕГЬИЛ Ч1АВАН ДАФТАРДАЙ
  7. РУБАИЯР
  8. МИХЕКАР
  9. ЗАЛ ХЪУЬРЕНА
  10. ВИРИ УЬМУЬР ВУН ПАТАЛДИ
  11. ДАЛУДАЛ КИФ КЪУГЪВАЗВАЙ РУШ
  12. ШАДВАЛ АЯ
  13. ЭНГЕЛ ХЬУХЬ, ВАРЗ
  14. ЗУЛУН МЕХЪЕРАР
  15. ВУНА ЗАЗ «ВАЪ» ЛУГЬУДА…
  16. ЗА ЦАВАР ХУЬДА
  17. ЧИ ХЪВЕР, ЧИ ХЪЕЛ…
  18. ЗАЗ ТЕКЛИФА
  19. ИНСАФМИР ЗАЗ
  20. БАГЪИШЛАМИШ
  21. ВАЗ ЧУХСАГЪУЛ
  22. АМ МУЬГЬУЬБАТ Я
  23. ВУН АТАНА ЗИ УЬМУЬРДИЗ ХАБАРСУЗ
  24. РУБАИЯР
  25. АГЬ, ХИЯЛРИН ЗИРЕКВАЛ
  26. ВАЦРАН ЭКВЕР
  27. ЦАВ ХЪУЬРЕЗВА
  28. АГЬ, КУЬН, ДИШЕГЬЛИЯР, ДАМАХ ГВАЙ
  29. КЪУЙ ЛУГЬУРАЙ…
  30. БАГЪРИВИЛЕР ИНСАНРИН
  31. ЗУЛУН ЦУЬКВЕР
  32. ВИ ВИЛИК ЗУН АГЪУЗ ЖЕЗВА
  33. ЧИ БАХТЛУВАЛ
  34. ЗАЗ АХВАРАЙ ДИДЕ ШЕХЬИЗ АКУНА
  35. ЗУЛУН ЙИФЕ АТIАНА РИКI
  36. МИСЛИМАТАЗ
  37. МУРАД ХВА
  38. ЗИ БАГЪ МАДНИ КУЬД Я, БИЛБИЛ
  39. ЗУН ХАЙИЛА ДИДЕДИ
  40. ГЪЕЗЕЛ
  41. БАГЪРИВИЛЕР ИНСАНРИН
  42. БУБАДИН ЧУЬНГУЬР
  43. ХЦИН ХАЙИ ЮГЪ
  44. АРАНДИН МАНИЯР
  45. АРАН ВАЦ1
  46. МИК1РИДИХЪ
  47. КЪУГЪВАНДАЛ
  48. ЯРКIИ ЧИЛЕРИН КЬЕПIИНА
  49. ША ФИН, АБАС, СИЯГЬАТДИЗ
  50. ЯВШАН
  51. УЬМУЬР ГУЗВА АЛЛАГЬДИ ЧАЗ…
  52. ГЬИНИЗ ФЕНА?
  53. ЗИ УЬЛКВЕДАЛ Т1ВАР АЛАМАЧ

СТО ПРИЗНАНИЙ В ЛЮБВИ

* * *

– Эй, муьгьуьббат, вун гьиниз физ рекьева?

Инсанар - бул, хзанар - бул виринра.

Вун кьабулдай кIвал гьар садан рикIева,

Илиф садахъ, вахт акъудмир къекъуьнра.

– Эй, арифдар, гьар са кIвализ иеси

Авайди куьз ви рикIелай алатда?

Садбуру агь-къаргъиш твазва геле зи,

Муькуьбуру кицI яз кьазва гьаятда.

***

Чилин-цавун иервилер

Къалурзавай гуьзгуь вун я.

ЧIулав бурма мекер пелел

Вегьей лацу ченги вун я.

И дуьньядин ширинвилер

Теклифзавай емиш вун я.

Тай-туьшерин пехилвилер,

Зи гелевай къаргъиш вун я.

Зи уьмуьрдин къацу чIере

Тик ялзавай чинар вун я.

Алатзавай жегьил бере,

Къвезмай кьуьзуь вахтар вун я.

ВУНА ЖУВАН ВИЛЕРИЗ ЛАГЬ

Вуна жуван вилериз лагь –

Хъуьрен тийиз,

Ишен тийиз

Зи ахвариз илифрай.

Вуна жуван хъуькъвериз лагь –

Регъуь тушиз,

КичIе тушиз

Бубуяр хьиз къекъифрай.

Вуна жуван пIузарриз лагь –

Чимивилив,

Егъивилив

Хуькуькьрай зи гуьгьуьлдик.

Вун хьурай зи ахварин шагь,

Даим легьзе

Тежер куьгьне

Гумукьрай зав, шикил хьиз.

Парцик квай зи къуьнерилай

Алатдач пар,

Гена самбар

Ийида ам яшайишди.

Къуй! Метлебсуз туьмеррилай

Хъсан я пар –

Умудлу кар

Кутадай жув асайишдик.

Сефилвал хьиз агъур я заз

Къайгъусузвал.

Гьар юкъуз зал

Дуьшуьш хьухь са цIийивал гваз.

Гележегди гьазурда чаз

Амай рекьер.

Къе чи рикIер

Хьурай даим михьивал гваз.

***

КIан жемир ваз, кIан жемир,

Чил кIвачерик руг хьана.

Масад нуькIрен муг хьана,

Жув нягьс гъиле къван жемир.

КIан жемир ваз, кIан жемир

Лацу шивдал гьамиша.

Зи сузани саймиша,

Тек ви хъвердин ван жемир.

* * *

Сарар—гимиш, хважамжамар—пIузарар...

Зав рикI гумач, гьинизна на, азизди?

Зи гьар са югъ мелни мехъср, суварар,

Гадни гатфар ийизва на, азнзди.

Ваз гьелелиг чир хьанвач зи гьунарар —

За бахтлувал хкизма ваз, азиздк.

***

Ша, ацукьин кьведни йиф-югъ талагьиз,

ЧIалар лугьун сад садаз чир жедалди.

Зун фикирлу жезва гила ара физ,

Акурди туш икI вун патав къведалди.

Ша, суьгьбетар ийин айгьам галачир,

Къуй рикIери чпиз лезет къачурай.

Вун михьи я, заз гьасятда хьана чир,

Амма ваз зи михьивални акурай.

* * *

Эй, зи мурад, рик1ин хиял,

Уьмуьрдин метлеб,

Тарифдиз хас яни чи гьал?

Лайих яни себ?

Уьмуьр фена, акваз-такваз

Акъатна вахтар,

Дердер пара хьанани чаз,

Тахьайт1а – бахтар?

Эй, зи уьмуьр, руьгьдин даях,

Макьсадрин бине,

Квел ийида чна дамах?

Вуч кьада вине?

Крарихъай крар акваз,

Жез шад ва пашман,

Гьи йикъар-фер дуст хьана чаз?

Гьибурни – душман?

Это начало произведенияПолный текст хранится в семейном архиве автора.